Minang v.03

Bismillah ...

Ondeeeh, alah lamo indak mangecek baso Minang ko saraso barado nan ranah sinan jo :). Jadi baiko, samulo ambo nio mambuek paper nan dikiriman ka TSSA & WSSA 2006 on time tangga 30 September patang. Tapi apo nio dikecek ... alun salasai tapi haruih diagiah ka sinan, indak ba'a se lah pikia ambo baitu.

Sa'alun tangga tu pak Yusep jo pak Budiman Dabarsyah, MSEE pai ka Amerika ikuik training BREW (Binary Runtime Environment for Wireless) saminggu jadi ambo indak dapek bakonsultasi ka inyo, jadi buek paper surang jo. Sabananyo rakan ambo S2 ado juo nan talambek jadi pikia ambo .. ah indak ba'a do; ado rakan nan samo jo ambo ko, kekekekekekekekeke. Eeee, Alhamdulillah masuak :)

Konferensi ko rancanonyo Desember ... detailnyo caliak se lah nan websitenyo, tapi masalanyo pambicaro sadonyo mangecek baso Inggris. Iko pasanyo, ambo baso Inggris biaso2 jo sadang pambicaro lain ancak2 mah ... ba'a ko ?

Tapi nasi lah babantuak bubua ... paper lah ambo kirim ka sinan, jadi tingga nunggu se bilo paper sadonyo katarimo. Ampek halaman .. hmmmm, okelah.

Aa .. saketek ambo nio carito,

Nan testbed NGN Punclut tu ado tapasang ampek VoIP phone, ado lai nan Punclut 2 tapi tigo lah kanai kilek jadi anguih tingga ciek lai karajo. Nah, ambo ko ambiak data nan Punclut 1 ... lapeh tu caliak ba'a bantuak karakteristik wireless link sinan taruih dibuek rekomendasi macam ba'a bilo yo 802.11b Wi-Fi 11 Mbps tu dapek ma'agiah VoIP ka urang sinan labiah dari ampek. Dari referensi ambo, sabananyo 802.11b tu indak ancak bilo dipakai VoIP kerano data rate-nyo ketek, jadi bilo ambo agiah G.711 u-law samo A-law inyo indak talok lai labiah dari sapuluah.

... Jadi ba'a ma'agiah VoIP labiah ka urang sinan ?

Ado banyak caro tapi yang feasible di sinan tu ado tigo:
1. Agiah 802.11a/g Wi-Fi kerano bandwidth-nyo gadang, indak itu 802.16a WiMAX.
2. Bilo nio 802.11b taruih, agiah power labiah tapi caliak2 lu ... salah ancua Wi-Fi.
3. Agiah jaminan QoS samo G.723.1/G.726/G.729 di sinan, tapi pasanyo router haruih di-set lai.

Apo nan ambo buek tu ba'a caranyo bia VoIP tu optimal di sinan, parameter apo nan mambuek optimal ... yo baitu lah.

Salasai buek optimal wireless link lanjuik ka mesh network nan ambo posting patang. Insya 4JJ1 lai dapek mambuek deso tatingga maju stek. Wesss ... ancak bana yo?

Ba'itu se lah kini ko ... lah nio sahua ko ha, isuak2 lanjuik-an lai. Doakan ambo yo sukses nan TSSA & WSSA 2006 Desember isuak :)

--Dimas