Minang v5.0

Bismillah,

Aa ... salamek basuo lai ka baso Minang ko.

2-3 hari patang lu sabananyo ambo indak tau bilo tanyato diri ambo ko kanai panyakik, kecek den indak ba'a jadi biaso jo indak pai ka dokter indak lo baubek. Taraso di lab WiNNER ITB hari Rabu patang. Salapeh mandanga 2 rakan ambo nan nio sidang mangaja wisuda Juli ko badan ko saraso manggigia indak tantu. Samulo ambo sangko kanai flu biaso ... tapi hari tu bantuaknyo indak flu biaso jo.

Ondeeeeeh ... ya 4JJ1, ijan lo ambo masuak RS lai :((

Kamis tu haruih ambiak SIM lai di SATLANTAS nan ado di jalan Jawa dakek gaduang BI, tapi ba'a lai ... badan lah saraso kariang bana tapi patuik caliak SIM bilo indak ba'a lo ambo ko nio manyatia oto. Jadi apo nan tajadi yo tajadi lah. Jadi salapeh ambiak SIM di sinan satibonyo di rumah takapa langsuang. Isuaknyo lah indak talok lai .... kapalo barek bana; ijan lo mamikia nio tagak jo lah panek bana. Alhamdulillah ambo kuek shalat Jum'at di masjid dakek rumah ambo. Di sinan ambo basuo jo rakan ambo Fauzi --afwan 'Ji ... ambo lupo namo panuah wa'ang :D--, visi inyo samo jo ambo ko --ba'a caronyo mambuek kompleks rumah ambo sadonyo dapek online--. Iko didukuang juo dari apak2 RW ambo. Gayuang basambuik lah .... :D

Salapeh kalua dari masjid ambo yo inyo mancaliak manaro masjid ...

"Ji ... ba'a bilo di manaro ko latak antena sektoral 15 dBi indak ba'a lah, core-network indak patuik speedy tapi cari nan lain apo lah. Di masjid ko latak server ciek atau labiah ... buek FTP-HTTP server, SIP (Session Initiation Protocol) Server. Jadi masjid indak anyo tampek shalat tapi juo tampek balaja, diskusi, buek apo se lah nan ancak." Kecek ambo.

"Batua mas ... tingga buek proposal, ambo cari'an rakan ambo nan ado buek macam warnet untuak teknis. Budget, interconnect, dan billing beko kito buek rinciannyo." Kecek baliak Fauzi

Wessss ... mantap 'Ji, masjid indak anyo tampek shalat tapi juo tampek kito dapek ilmu ancak nan baru. Insya 4JJ1 ... 'Ji !! Samangek mambaro ambo ko ni ha B-)

Sorenyo tumbang lai ...

Ambo kecek ka gaek "Bantuaknyo haruih pai ka dokter ko ... rasonyo indak lamak" ... analisisnyo ambo ko kanai tifus --cameh lo ... 2005 patang sa'alun kanai DB vonisnyo sarupo-- aa, batambah sakik lo badan :( Isuaknyo cek darah ... hasianyo antaro kanai DB, tifus atau kaduonyo --ya 4JJ1, kanai duo tu lai ?? :((--. Rakan2 kecek labiahan minum aia, minum juo teh angkak --teh ko baun jo rasanyo bantuak darah ... yeeaccckk !!--, samo buek jus kurma, ado lo ubek cino apo namonyo indak ngarati ambo :D

Alhamdulillah ubek ko manjua bana ... Insya 4JJ1 indak haruih masuak RS jadi di rumah jo. Tapi tunggua hasia cek darah kini ko, bilo trombosit samo leukosit ambo turun lai ... alah tu, lalok di RS.

Yo baitu se lah carito kini ko ditangah ambo sadang sakiak di rumah ko :( Insya 4JJ1 lanjuik lai

--Dimas