Sunday, August 10, 2008

10 taun lalu ...

Bismillah,

Ondeeeeh .... lah lamo indak manulihan ka blog ambo surang ko. Sabananyo indak karano ambo maleh tapi alun ado waktu manulih jo.

Jadi baiko, lah sapuluah taun ambo siko --Bandung-- . Maingek tu jadi sadiah surang, bilooo ... lah waktu ka baulang. Ambo ka Bandung ko bilo indak salah April 1998 lapeh EBTA/NAS, ingek bana sabananyo pagi sabalum pai ka Bandung ko indak dapek pesawat tapi siang tu Apak ambo mangecek buliah pai karano dah dapek tiket ka Bandung, jadi yang samulo dah babereh tapi dilatak lai ka lemari baliak lai dimasuakan ka koper nio barangkek.

Jadi barangkek ka airport Simpang Tiga --kini namonyo Sultan Syarif Kasim II--, sampai ka sinan jam 4 sore. Ambo caliak di airport tu counter "CALTEX" lah panuah ngan orang2 saumua ambo, nio pai mancari kuliah juo bantuaknyo. Pesawat barangkek jam 1/2 5 lapeh tu tibo di Jakarta jam 6 sore, cockpit cabin lights were activated jadi ambo caliak cockpit tu lah tarang bana di Cockpit ... Capt. Suhartono Dahlan bilo indak salah nan manganta ambo yo calon2 mahasiswa ka sinan yo Fokker F-28 Mk. 4000 PK-PJK "Minas" --tarakhia ambo danga PK-PJK tu lah digrounded karano runway overrun di Ujung Pandang taun 2002, sadiah bana mandanga pesawat tu lah "lalok" kini indak tabang lai--. Satibo di Jakarta sinan ambo dijampuik paman ambo samo bamalam di tampeknyo, isuaknyo pai ka Bandung yo apo ?? Binguang ... tapi Alhamdulillah ado rakan kakak ambo nan tinggal di Jakarta nio pai ka Bandung juo hari tu jadi ikuik yo inyo ka Bandung tu.

Tibo di rumah binguang lai ... indak ado orang. Jadi tibo di sinan surang se; kaka pai kuliah, pambantu baliak kampuang ... lapeh tibo tu lalok se akhianyo. Hari isuaknyo ambo pai ka SSC nan talatak di Sumur Bandung dakek 107.2 FM --kini 107.1 FM-- dafta ulang, lapeh tu ikuik bimbel macam biaso ... ado rakan ambo Edi Yulindra, ST sakelas masuak ka Dept. Teknik Lingkungan, ado juo Eka Ferry, ST, MT sakelas juo masuak Dept. Teknik Sipil. Sia lai lupo tapi ado nan ambo kana.

hiks ... hiks ... jadi sadiah bana maingek ko :( Tapi indak ba'a lah, bia waktu indak baliak lai ... tapi saraso taun ko taun dima ambo ambiak UMPTN dan luluih ka ITB.

Dulu tu ambo juo ambiak bimbel intensif sabulan nan SSC samo GF, tampeknyo indak dakek bana tapi ambiak angkot sajalua se lai sampai ka sinan. SSC tu jam 9.15 sampai jam 12.15 ... lanjuik lai ka GF jam 13.00 - 16.00, ondeeeeeeh ... kamaaaaaa lah waktu ambo ambiak tu yo. Lah pai indak baliak lai waktu tu yo.

Kini dah sapuluah taun ... rakan2 ambo dah tak kama2 sadonyo. Ado nan nio ambiak S3, ado nan karajo di Indonesia ado 'lo nan karajo di lua nagri, ado nan jadi PNS, etc. Ambo surang nio ambiak S3 lai ka lua Insya Allah taun isuak barangkek.

Indak baraso patang lu ambo yo rakan2 main2 ka BIP, tiok Sabtu ikuik olah raga --maso Sabtu masuak kuliah jaman rektor pak Liliek-- , buek tugas pendahuluan praktikum yo rakan2 sadonyo lapeh shalat Zuhur, ikuik diskusi kuliah Kalkulus nan perpus bawarno ungu, ikuik MAIFI (MA-hasiswa I-slam FI-sika), etc.

Kini waktu dah balalu ... apo2 yang lah lewat bia se lah baitu, tapi ingek isuak patuik labiah elok dari kini yo.

Labels: